經典

「姑娘淨係鍾意食蘋果, 咁你應該買咩生果比姑娘呀?」「士多啤梨!」
「姑娘有無話過鍾意食士多啤梨呀?」「無。」
「咁你係咪應該買姑娘鍾意食果樣比姑娘呀?」「係。」
「咁姑娘淨係鍾意食蘋果, 你應該買咩呀?」「士多啤梨!」

「老師鍾意食黃色嘅生果, 咁你買唔買蘋果比老師呀?」「買!」
「蘋果係咪黃色架?」「唔係。」
「老師鍾意食黃色嘅生果, 咁老師鍾唔鍾意食蘋果呀?」「鍾意!」

「有啲乜野生果係黃色架?」「...」
「喇, 紅色嘅生果有蘋果, 咁黃色呢?」(with written cue）「呀! 香蕉!」(心想: 叻仔!)
「仲有無呀?」「...」
「仲有個好酸架~」「...」
「圓圓地嘅」「...」
「成日用黎整嘢飲既」「...」
(老師出招)「比你聞下喇」(咁o岩老師有支檸檬茶)
「咩黎架?」「...」
(聞咗幾次...) 「...」
(打開個蓋, 一塊塊檸檬浮係支檸檬茶入面, 你唔係咁都唔識呀?)「哦~ 檸檬呀!」
「係喇! 檸檬係黃色, 又酸, 圓圓地嘅; 咁有乜生果係黃色架?」「木瓜」(頂~)
(老師再出招)「檸檬茶用咩做架?」「水啦, 茶啦....」(你唔係答唔到呀?!)
「仲有呢?」「...」
(指埋比你睇喇~)「呢啲一塊塊係...?」「檸檬!」
(我暈喇... 到最後佢都係答唔到, 除左香蕉, 有乜生果係黃色嘅)