人生無厘頭逸事一則

話說今日卡數到期要找
盡責的我當然要拿拿臨搞掂佢啦
其實都只係$400
本來諗住一切都好簡單
去櫃員機按幾個掣就得
點知... 故事就係因為呢$400展開

今日我拎住好多野出沙田
一個大膠袋, 個背囊又notebook又書..
論論盡盡咁行到櫃員機前面
一開始都算順利
至少成功入到password啦
之後拎credit card出黎入a/c number
心諗: "無手喎... 一隻手按掣, 另一隻手拎住個銀包.. 點算?"
跟住我咪放低個銀包囉...
去到呢一刻, 你可能會諗, 我係咪唔記得拎銀包走呢?
錯喇... 故事去到呢一刻都尚算順利 (除左論盡d之外)

突然之間... 一個電話打黎~
就係呢個電話, 所有野都180度逆轉!
我拎電話聽, 咁又無手按掣喇喎, 點算?
於是我好醒咁將張credit card "long"係個mon前面
唔夠2秒, "嗒"一聲...
張卡跌咗入櫃員機個mon同個number pad中間條罅度
一開始都仲見到個角
過多幾秒, 因為牛頓所發現的地心吸力, 連個角都無埋...
secure叔叔用把鉸剪嘗試拯救, 不過都搞唔掂
最後佢提議我報失...

咁我就打電話去card centre報失啦
我同CS哥哥講: 我張卡"跌咗"入櫃員機呀!
CS哥哥就好正經咁問: 你係指比櫃員機食咗呀?
我就好坦白咁答: 唔係呀.. 真係"跌咗"呀!
之後CS哥哥都陪我一齊笑咗出聲...
最後.. 咪報失+補發囉...

呢個故事... 真係好Mawing's style
又論盡, 又低能, 但係又樂天...

希望呢個分享, 可以令你開心下~ ^^